"Реал Мадрид" келаси ёзда Гарет Бэйл билан шартномани якунлаши эҳтимол катта.
Сабаби, уэльслик вингернинг "қаймоқранглилар" таркибидаги келажаги
ноаниқ. Mirror нашри хабарига кўра, "қироллик клуби" "Ливерпуль" ҳужумчиси Муҳаммад Салоҳнинг ўйинларини кузатиб бормоқда, чунки, мерсисайдликлар мисрлик футболчи билан янги шартнома тузишда бироз қийинчиликларга дуч келмоқда ва амалдаги шартнома 2023 йилнинг ёзида тугайди.
Манбанинг таъкидлашича, "Реал" 29 ёшли Салоҳнинг трансфери бўйича музокара олиб боришга ҳаракат қилади. Трансфермаркт портали унинг нархи 100 миллион еврога баҳоламоқда.
Шунингдек, келаси йилги "қаймоқранглилар"нинг асосий мақсади "ПСЖ" етакчиси Килиан Мбаппе ҳам ҳисобланади.