Англия кубогининг "Челси" - "Бирмингҳэм" жамоалари ўртасидаги англия кубоги баҳсини трансляция қилган ESPN телеканали журналистлари эфир пайтида йўл қўйган хатолари учун, лондонликлар бош мураббийи Андре Виллаш-Боашдан расмий равишда кечирим сўрашган. Бу ҳақда телеканал расмий вакили маълумот берди.
Ўша ўйиннинг танаффус пайтида ESPN ходимлари майдон четида футболчилар билан суҳбатлашиб турган Дидье Дрогбани йирик планда кўрсатишган эди. ESPN шарҳловчилари ўша пайтда Дрогба ўз жамоадошларига баланд овозда бир нималар деётгани ва нималарнидир ўргатаётганига урғу беришганди.
Телеканал ҳодимлари ушбу вазиятни кўрсатаётиб, Дрогбанинг жамоада бош мураббийдан обрўси баландлиги, "Челси" футболчилари айнан Дрогбанинг сўзларига қулоқ тутишига шаъма қилган. Виллаш-Боаш эса ўша пайти якка ўзи ечиниш хонасига кириб кетаётган тасвири кўрсатилган. Бу билан телеканал ҳодимлари учрашувни тўғридан-тўғри кузатаётган айрим мутахассис ва мухлисларнинг тушунмовчилигига сабаб бўлишган.
Ўйиндан кейинги матбуот анжуманида ҳам бу савол кўтарилган, журналистнинг шу маънодаги саволидан Виллаш-Боаш ғазабга келганди. Телеканал ҳодимларининг бу "ақллилиги"дан ғазаб отига минган португалиялик мутахассис, улардан дарҳол вазият юзасидан тушинтириш беришларини талаб қилган.
Вазиятни ва ўйиндаги тасвирларни кўриб чиққан ESPN раҳбарияти ўз хатоларини тан олган ва Виллаш-Боашдан расмий равишда кечирим сўраган.
