ЦСКА ва Мадриднинг «Реал» клублари ўртасида Моссквадаги «Лужники» стадионида ўтадиган Европа чемпионлар лигаси нимчорак финали биринчи учрашуви ўн етти камера ёрдамида трансляция қилинади.

Бу эса УЕФА томонидан ушбу босқич ўйинлари учун белгилаб қўйилган меъёрдан анча кўп, дея ахборот беради «Спорт-Экспресс». Нашрнинг маълумотига кўра, телевизион бригадалар нафақат Испаниядан, шунингдек Бельгия, Франция, Швеция ва Қатардан ҳам ташриф буюришган.

Трибуналарда эса тўғридан-тўғри радиорепортажлар ўтказиш учун яна қўшимча 16 та жой ҳозирланган.