«Наполи» бош мураббийи Вальтер Маццарри чемпионлар Лигаси нимчорак финали доирасида ўтувчи «Челси»га қарши дастлабки учрашувдан нималар кутаётгани хусусида ўртоқлашди.

«Биз чемпионлар Лигасида 100 дан ортиқ ўйин ўтказган жамоа билан баслашамиз, бизда эса бундай учрашувлар сони бор-йўғи 6 тагина. Шу сабабли бизни ҳеч ким фаворит сифатида тилга ололмаяпти. Умид қиламанки, эртага «Челси» ўз ўйинини топиб олмайди. Акс ҳолда бизга жуда қийин бўлади. Нима бўлганда ҳам, футболчиларим бутун ўйин давомида ўз диққатларини жамлаган ҳолда тўп суришларини истаб қоламан.

Биз керакли натижани қўлга киритишимиз мумкин, фақат жамоамиз ўзининг энг яхши ўйинини намойш этиб бериши талаб этилади. Асосийси, ўз майдонимизда рақибдан гол ўтказиб юбормаслик. Ана шунда «Наполи» учун жуда яхши натижалардан бири қўлга киритларди, – дея мутахассисдан иқтибос келтиради УЕФА расмий сайти.