«Барселона» вингери Ансу Фати «Манчестер Сити»га ўтмайди, деб даъво қилмоқда El Nacional.
Манбага кўра, эҳтимолий келишувга «шаҳарликлар» бош мураббийи Хосеп Гвардиола тўсқинлик қилган.
Испаниялик мутахассис собиқ клубини ҳурмат қилгани учун футболчини «Барса»дан узоқлаштирмасликка қарор қилди.
Эслатиб ўтамиз, «Сити» билан музокаралар ташаббускори, эҳтимол, ўйинчининг агенти Жорже Мендеш бўлган.
Фати жароҳати туфайли ўтган йилнинг ноябридан буён майдонга тушмади. У чап тиззасидан олган жароҳатини даволаш билан банд.
