Бугун «ПСЖ» Франция чемпионатининг бешинчи тур учрашувида «Клермон»ни қабул қилади.
Учрашув арафасида парижликлар 22 футболчининг рўйхатини эълон қилишди, унда жамоанинг кўплаб юлдуз футболчилари йўқ.
Аргентиналиклар Лионель Месси, Анхел Ди Мария, Леандро Паредес ва бразилиялик Неймар бўлажак жангни ўтказиб юборишади.
«ПСЖ» матбуот хизматининг хабар беришича, бунга улар 9 сентябрдан 10 сентябрга ўтар кечаси бўлиб ўтган ЖЧ-2022 учун Жанубий Америка саралашида ўз терма жамоаларининг ўйинларида қатнашгани сабаб бўлган.
Бундан ташқари, Серхио Рамос, Марко Верратти, Дагба, Курзава ва Хуан Бернат жароҳатлари туфайли ўйинни ўтказиб юборишади.
