Айни пайтда Тошкентда мавсумга ҳозирлик кўраётган "Навбаҳор" таркибида келди-кетдилар давом этмоқда.
Жамоанинг бугунги машғулотларида туркманистонлик ҳимоячи Максим Белих кўриниш берди. Ушбу футболчи ўзбек футболи учун бегона эмас. Белихнинг Ўзбекистондаги илк фаолияти "Пахтакор"да бошланган бўлса, 2009 йилни у ”Навбаҳор”да бошлаган эди.Аммо футболчининг дастлабки турлардаёқ жароҳатга йўлиқиши унинг Наманганни тарк этишига сабаб бўлганди.
Сўнгги мавсумни Максим Белих ватанининг МТТУ жамоасида ўтказди.
Айни пайтда "Навбаҳор" таркибида осиёлик легионер йўқ. Белих эса ушбу критерийга мос тушади.Анча бўйдор, курашдан чўчимайдиган футболчи янги мавсумни "Навбаҳор"да бошлаши эҳтимоли юқори.
Тошкентдаги йиғин ушбу ҳафтада якунланиши кўзда тутилган.
