Англия чемпионатининг тўртинчи турида "Манчестер Юнайтед" "Ньюкасл" билан учрашди.

Ҳужумчи Криштиану Роналду учун бу баҳс "Манчестер Юнайтед" таркибидага қайтганидан кейинги биринчи учрашув бўлди ва иккита гол уришни уддалади. Манкунианликлар яримҳимоячиси Жесси Лингард иккинчи бўлимда захирадан майдонга тушди ва гол урди.

28 ёшли инглиз учун бу Роналду билан бирга ўйнаган дастлабки ўйини эди.

Ўйиндан сўнг, Лингард ўзининг инстаграмдаги саҳифасида
36 ёшли португалиялик билан тушган суратлар коллажини намойиш этди.

Биринчи расмда ҳали кичкина Жесси "Манчестер Юнайтед" юлдузи Роналду билан машғулот ўтказмоқда, иккинчисида, 18 йилдан сўнг, у билан бир жамоада ўйнагани кўрсатилган.

"Катта орзу қилинг, болалар,", дея изоҳ беради Жесси расмга.