"Челси" плеймекери Росс Баркли Чемпионшип вакили "Вест Бром"дан таклиф олган. "Telegraph" нашри берган хабарга кўра, Баркли учун "Вест Бром" ижара шартномаси таклиф этган.
27 ёшли футболчи "Эвертон"да порлаганидан бери ўзини яхши намойиш эта олмади. У ёзда "Челси"дан кетмади ва ҳозирда жамоа заҳирасига михланиб қолган. "Вест Бром" уни ёзда олиши мумкин эди, аммо клубга Барклининг 110 минг фунт ҳафталик маоши оғирлик қилган.
У барибир Лондонни тарк этади. Тухел уни январь ойида сотиб юборишн ўйламоқда. Нафақат Баркли, балки таркибнинг 10 га яқин футболчисидан қутулиш режа қилинган.