ПФЛ раҳбари Диёр Имомхўжаев Литвадаги футзал бўйича жаҳон чемпионати 1-туридаги Ўзбекистон терма жамоаси учрашувидан кейинўйин ҳақида ўз фикрлари билан ўртоқлашди.
"Ўзбекистон футзалчилари барибир зўр. Улар мундиалга бориш билангина кифояланишмаяпти, улар жаҳон чемпионатида ғолиб чиқишга интилишяпти. Шунинг учун ҳам улар зўр.
Футболда ирода ва тажриба деган тушунчалар бор. Футзалчиларимиз иродаси ўйин 2:4 вақтида кўринди ва улар катта қийинчилик билан мувозанатни тиклашди. Қолганига эса озгина тажриба етишмади.
Шундай мағлубиятлар бўладики, уни яхши кайфиятда қабул қиласан. Кимгадир жиддий эътирозинг бўлмайди. Бугун биз шундай мағлубият билан юзлашдик. Шу темп ва иштиёқда давом этишимиз керак", дейди Имомхўжаев ўз телеграм каналида.
