"Ньюкасл" клуби бош мураббийи Стив Брюс "МЮ"га қарши йирик мағлубиятдан кейин мухлислар томонидан танқидларга учради. Хабар қилинишича, "Олд Траффорд"да 3 мингга яқин "Ньюкасл" мухлислари бўлган ва мағлубиятдан кейин улар Стив Брюсни кетиши хоҳлашларини айтиб, шовқин солган. Ўйиндан сўнг бу ҳақда Брюсдан сўралганида, жаҳл билан шундай деди:
"Бунга нима дейишим мумкин? Ўзи умуман нима дейишимни хоҳлаяпсиз? Нима, мен бу аҳволдан ҳузур қиляпманми? Мен бунга изоҳ бермайман. Узр! Биз яхшироқ ҳимояланишимиз керак эди. Яхши ўйнаб туриб ҳам голлар ўтказиб юбориш мумкин".
Брюс шогирдлари кейинги ўйинни 17 сентябрь куни "Лидс"га қарши ўтказишади.
