Бир нечта Европа клублари Бразилиянинг "Палмеирас" жамоаси футболчиси Данилога катта қизиқиш билан қарамоқда. Хабарларга кўра, учта АПЛ клуби: "МЮ", "Уотфорд" ҳамда "Вэст Хем"лар 20 ёшли футболчини нишонга олган.
Шунингдек, Италия гигантлари: "Ювентус", "Рома" ва "Милан"лар ҳам Данило учун курашга кириши айтилган. Футболчи ўтган мавсум миллий чемпионат баҳсларида порлаган ва барчани эътиборига тушган эди.
Таъкидланишича, "Палмеирас" футболчиси учун 12 миллон евро сўрайди. Унинг амалдаги шартномаси 2025 йилгача тузилган. Данило 71 та учрашув ўтказишга улгурган бўлиб, 4 та гол ҳамда 5 та ассист мууллифига айланган.
