Лондоннинг «Вест Хэм» клуби раҳбарияти жамоа яримҳимоячиси Деклан Райснинг товон пулини маълум қилди.

Клуб футболчини қанча миқдорда қўйиб юборишга тайёрлиги ҳақида бир қарорга келди деб хабар беради Football London.

Манбага кўра, Лондон клуби Деклан билан 100 миллион фунт (тахминан 117,5 миллион евро) эвазига хайрлашишга тайёр.

Аввалроқ, Райсга асосий даъвогарлар «Манчестер Юнайтед» ва «Челси» экани ҳақида хабар берилган эди. Шунингдек футболчига «Манчестер Сити» ҳам бефарқ эмас.

Эслатиб ўтамиз, Райс «Вест Хэм» тарбияланувчиси ҳисобланади.

У 2017 Лондон клубидаги дебютини 2017 йилда амалга оширган эди.

Маълумот учун, жорий мавсум Райс Премьер-лигада тўртта ўйин ўтказиб, битта голли узатмани амалга оширди.