«Қизилқум»га қарши ўртоқлик учрашувида «Пахтакор» 2:0 ҳисобида ғалаба қозонди. Бу ҳақда тошкентликлар расмий сайти хабар бермоқда.

«Биринчи бўлимнинг ўзидаёқ футболчиларимиз иккита гол уришга муваффақ бўлдилар. Санибал Ораховац биринчи голга муаллифлик қилди. Ушбу вазиятда рақиб дарвозабони жиддий хатоликка йўл қўйди. Фарҳод Тожиев эса ўз маҳоратини намойиш этган ҳолда ҳисобни битта голга оширди», дейилади клуб расмий сайтидаги хабарда.

Иккинчи бўлимда ўйин сурати бироз тушгани натижасида дарвозаларга бошқа гол киритилмаган.

Ўртоқлик учрашуви
21 февраль, сешанба

«ПАХТАКОР» - «ҚИЗИЛҚУМ» 2:0 (2:0)
Гол: Ораховац (12), Тожиев (37)
«Пахтакор»: Лобанов, Шибамура, Николаев (Махситалиев, 82), Клецков, Хошимов, Шарофетдинов (Азизов, 78), Махарадзе, Климиашвили, Ораховац (Бахритдинов, 77), Ваҳобов (Ҳакимов, 46), Тожиев (Сергеев, 80)