Футзал бўйича жаҳон чемпионати гуруҳ босқичи 2-тури доирасида Ўзбекистон терма жамоасига қарши ўйинда 3та гол муаллифига айланган россиялик футзалчи Артём Ниязов ўз фикрлари билан ўртоқлашди.

"Қаранг — Ўзбекистон Гватемалага қарши 1-турда машаққатли ўйин ўтказди. Ортда бораётиб ҳисобни тенглаштирди, аммо сўнгги дақиқада мағлуб бўлди. Бугун ҳам улар ҳисобда орқаа қолаётганига қарамай максимал даражада мотивация билан ўйнашди. Россияга қарши учрашувда барча ўзининг энг яхши жиҳатларини намойиш этишга ҳаракат қилади. Гуруҳ босқичида бизга шундай қаршилик кўрсатган рақибга раҳмат айтаман. Уларга гап йўқ, яхши ўйнашди.

Дастлабки ўйинда 9:0 ҳисобидаги ғалабадан сўнг, бугун қийин учрашув ўтказдик. Ҳисоб тенглашганидан кейин йигитлар характер кўрсатишди. Шундан сўнг ҳар бир ўйинчи ўз маҳоратини намойиш этди ва гол уришга муваффақ бўлдик", — деди Ниязов.