Англиянинг «Манчестер Юнайтед» клуби яримҳимоячиси Поль Погба келаси ёзда фаолиятини «Барселона»да давом эттириши мумкин, дея хабар беради "Fichajes" нашри.
Манбага кўра, каталонияликлар футболчини эркин агент сифатида сотиб олишга ҳаракат қилишади.
Аввалроқ, футболчига «Реал» ва ПСЖдан ҳам қизиқишлар бўлаётгани ҳақида хабарлар тарқалганди. Бироқ футболчининг ўзи ҳали келажаги борасида аниқ қарор қабул қилмаган. У айни дам Сульшер қўл остида ишлашга қарши эмас.
Эслатиб ўтамиз, Погба 2016 йили «Ювентус»дан 105 миллион евро эвазига МЮга кўчиб ўтган эди. У жорий мавсум АПЛда 4 та ўйин ўтказиб, 7 та голли узатма амалга оширди.
