Хабарингиз бор, жорий йилнинг 17-25 сентябрь кунлари юртимизда аёллар ўртасидаги Осиё кубоги-2022 саралаш баҳслари бўлиб ўтади.

Кеча «Бунёдкор» стадиони анжуманлар залида саралаш баҳслари олдидан умумлаштирилган расмий матбуот анжумани ўтказилди. Унда Ўзбекистон аёллар миллий терма жамоасининг бош мураббийи Баҳром Норсафаров ҳам иштирок этди.

— Карантин сизнинг режаларингизга қанчалик таъсир қилди?
— Бутун дунёда бўлгани каби, бизда ҳам карантин билан боғлиқ синовлар бўлди. Мана шу давр оралиғида ҳам муҳим мусобақаларни унутиб қўймадик. Бор ресурс ва имкониятларни жалб қилиб, максимал даражада эътиборимизни олдинда кутиб турган баҳсларга қаратдик.

— Саралаш баҳсларига қай даражада тайёргарлик кўрдингиз, таркиб танлашда муаммолар бўлмадими?
— Биз энг аввалида терма жамоага 50 футболчини жалб қилган эдик, машғулот пайтида уларни саралаб, энг яхши 23 нафар футболчини олиб қолдик. Мусобақага тайёргарлик доирасида умумий ҳисобда 6та ўқув йиғинларини ўтказиб, бир нечта ўртоқлик ўйинларида қатнашдик. Ўйлашимча, тайёргарлик етарли даражада бўлди.