Европа Лигаси биринчи тури доирасида «Фенербахче» Франкфуртнинг «Айнтрахт» клуби билан дуранг ўйнади - 1:1.
Бу ердаги асосий воқелик сифатида Месут Ўзилнинг голи тилга олинди. Германиялик яримҳимоячи уч йилдан буён Европа яшил майдонларида гол урмай келаётганди.
Кечаги голи ўз жамоасига фақат дуранг олиб келди холос. Шунингдек, баҳс сўнггида «Фенербахче»даги Пелькас пенальтини аниқ амалга ошира олмади.
Аввалроқ, Ўзилнинг жамоа раҳбариятидан норозилиги ҳақида хабар берилганди. Айтилишича, футболчи тезроқ жамоани тарк этиб, АҚШ ёки Қатарга кўчиб ўтмоқчи.
