Ўзбекистон Суперлининг 19-турида «Пахтакор» Андижон майдонига сафар қилади.

Ҳозирга қадар жамоалар чемпионатларда 51 бор тўқнаш келишган. Улардан 39тасида «Пахтакор» ғалаба қозонган бўлса, 8 баҳсда дуранг натижа қайд этилган. Фақат 4 марта «Андижон» футболчилари муваффақиятга эришган. Рақиб дарвозасини 125 марта ишғол қилган тошкентликлар 34 бор гол ўтказиб юборган.

«Шерлар» сафардаги беллашувларда 15 ғалаба, 6 дуранг ва 4 мағлубиятга эга. Тошкент клуби меҳмонда 47 тўп киритган ҳолда дарвозасидан 17 гол олиб чиққан. Жами ғалабаларнинг 15таси рақиб устидан йирик ҳисобдаги натижалар билан қўлга киритилган. Ўтган мавсумда ҳар икки учрашувда «Пахтакор» 2:0 ҳисобида зафар қучган.

Ўзаро ўйинлардаги энг йирик натижа - 6:0 ҳисоби 2015 йил Тошкентдаги учрашувда кузатилган. Ўшанда пойтахтликлар шундай ҳисобдаги йирик ғалабага эришган.

Беллашувни мезбонлардан Усмонали Исмоналиев дисквалификация сабабли ўтказиб юборади.

«Андижон» - «Пахтакор» жамоалари ўртасидаги ўйин 19 сентябрь, якшанба куни соат 16:00да «Соғлом авлод» стадионида бошланади.