"МЮ" устози Оле-Гуннар Сульшер Диего Далотнинг Италиядаги фаолиятига тўхталиб ўтди. У Далотга келажакда жамоасидан ўрин беришни режалаштирмоқда:
"Диего ёзда Европа чемпионатида яхши ўйин кўрсатди. Португалия 21 ёшлилар ўртасида ҳам "Милан"даги тажрибаси билан ёрқин кўринди. У футболда муҳим саналган жисмоний ҳолатини сақлаб қола олди. Унинг яхши тажрибаси ва малакаси орқали биз ундан келажакда яхши фойдаланишимиз мумкин. Бу ерда футболчиларни ижарага бериш орқали уларни янада кучли қилишни режа қилганмиз".
"МЮ" келаётган турни Лондонда "Вест Хем"га қарши ўтказиши белгиланган. Улар ҳафта ўртасида "Янг Бойз"дан ЕЧЛда мағлуб бўлди.
