Лионел Мессининг ватандоши ва собиқ жамоадоши Гонзало Игуаин Аргентинанинг Копа Американи ютгани ҳақида фикр билдирди. У Месси учун хурсандлигини айтиб ўтди:
"Ўша финал баҳсидан кейин мен Месси, Ди Мариа ҳамда Отаменди билан гаплашдим. Лео бу соврин у ерда бўлмаганлар учун ҳам бирдек таалуқли эканини айтганида мен жуда қувондим. Мен ҳам аввалги мусобақаларда чемпион бўлишга жуда яқин келган эдим. Бунга қаттиқ ҳаракат қилдим, аммо иложи бўлмади. Мен финал баҳсидан кейин ўзимда йўқ бахтиёр эдим. Афсуски, ҳозирда мен терма жамоага қайта олмайман".
Шунингдек, 33 ёшли "Интер Майами" футболчиси Мессини АҚШга ташрифи ҳақида гапирди. У бу ҳақда ҳали ҳеч нарса аниқ эмаслигини маълум қилди.
