«Ювентус»нинг колумбиялик яримҳимоячиси Хуан Куадрадо клуб билан шартномасини узайтиради. Бу ҳақда Goal нашри хабар бермоқда.

Манбага кўра, туринликлар клуби раҳбарияти 33 ёшли футболчи билан шартномани 2023 йилнинг ёзигача узайтиришга тайёр.

Ўтган мавсум Куадрадо «Ювентус» сафида 40 та ўйинда майдонга тушиб, 2 та гол урди ва 10 та голли узатмани амалга оширди. Футболчининг амалдаги шартномаси 2022 йилнинг ёзигача амал қилади.

Куадрадо «Ювентус» дан ташқари, «Челси», «Фиорентина», «Лечче», «Удинезе» ва Колумбиянинг «Индепендиенте» клубларида ўйнаган. У 2010 йилдан буён Колумбия терма жамоасида ўйнайди. Трансфермаркт портали футболчини 16 миллион еврога баҳоламоқда.