«Астон Вилла»нинг 24 ёшли англиялик футболчиси Мэтти Кэш Польша терма жамоаси шарафини ҳимоя қилиши мумкин. Бу ҳақда нуфузли журналист Фабрицио Романо ўз твиттерида хабар беради.
Манба таъкидлаганидек, футболчининг ўзи бу имкониятга ижобий муносабатда бўлган. Мэттининг онаси ҳам польшалик ҳисобланади. Айни пайтда у Польша паспортини олиш жараёнини кутмоқда.
Эслатиб ўтамиз, бир кун олдин у Англия чемпионатининг 5-туридан ўрин олган «Эвертон» билан ўйинда (3:0) битта гол урган эди. Унинг клуб билан шартномаси 2025 йил 30 июнгача амал қилади, футболчининг трансфер нархи 22 млн еврога баҳоланмоқда.
