The Sun нашрининг маълум қилишича Лондоннинг "Челси" клуби ёзда жамоа фахрийларидан бири Френк Лэмпард ҳамда ҳимоячи Эшли Коулдан воз кечиш ниятида. Клубга яқин бўлган манбаалардан бири ушбу футболчиларнинг клуб бош мураббийи Андре Виллаш-Боаш билан келиша олмай қолганлиги ҳақида айтиб ўтган.
"Футболчиларнинг бош мураббий билан "сан-ман"га бориб қолгани яхши эмас. Клубда айрим футболчилар ва бош мураббий ўртасида турли хил келишмовчиликлар юзага келган. Аммо, Роман Абрамович Виллаш-Боашга ишонч билдираяпти. Футболчилар бош мураббийга қарши чиқишлари нотўғри"-, дейди клуб расмий вакилларидан бири The Sun нашрига.
