Англиянинг "Манчестер Юнайтед" клуби бош мураббийи Алекс Фергюсон Европа Лигасининг 1/16 финалида Голландиянинг "Аякс" клубига қарши ўтказиладиган жавоб учрашуви олдидан ўз фикрларини билдириб ўтди. Мураббий бу ўйинда майдонга кам тушадиган футболчиларга имконият беришни режалаштириб турганини таъкидлаб ўтди.

«Бир қатор футболчиларимиз сўнгги пайтларда ўйин амалиётисиз қолиб кетмоқда. Бугун Нани, Янг, Эрнандес, Клеверли, Смоллинг ва Жонслар майдонга тушиши мумкин. Чунки улар охирги вақтларда жуда кам майдонга тушишди, шу сабабли ҳам уларга имконият бермоқчимиз. Бу ҳам улар учун ўзига ҳос синов бўлади».

Балки «Аякс»га қарши кечадиган ўйинда Погбани ҳам майдонда кўриб қолишингиз мумкин бўлар. Учрашув вақтии яқинлашаверсин, бу борада ҳам ўйлаб кўрамиз», дея Алекс Фергюсоннинг сўзларидан иқтибос келтириб ўтди УЕФА расмий сайти.