«Интер» ҳужумчиси Алексис Санчес ҳозирги жамоасини тарк этишга яқин, деб хабар бермоқда Corriere dello Sport. Манбага кўра, миланликлар раҳбарияти футболчини январь ойида текинга қўйиб юборишга тайёр.
Маълум бўлишича, «Интер» футболчининг доимий жароҳатларидан норози. Шунингдек, клуб маошни туширмоқчи, чилилик эса йилига етти миллион евро олади, бу ҳам миланликларга тўғри келмайди.
Эслатиб ўтамиз, Санчес 2020 йилда «Интер»га ўтган эди. Бу мавсумда у 23 дақиқани майдонда ўтказиб, фақат битта ўйинда иштирок этди.
