«Наполи» кеча меҳмонда А Серия 4-тур доирасида «Удинезе»ни 4:0 ҳисобида мағлуб этди.
Шундай қилиб, «Наполи» 2018 йилнинг февралидан буён илк бор А Серия турнир жадвалида етакчилик қилмоқда. Ўша вақтда жамоа мураббийи Маурицио Сарри бўлганди ва у 2018 йилда «Челси»га ўтиб кетганди.
Эслатиб ўтамиз, «Наполи» жорий мавсум А Серия доирасидаги 4та ўйинда 4та ғалабага эришди.
Спалетти жамоаси аввалги турларда «Венеция», «Женоа» ва «Ювентус»ни мағлуб этганди. Жамоа кейинги турда «Сампдория»га қарши ўйнайди.
