Бельгия терма жамоаси бош мураббийи Роберто Мартинес «Барселона» бош мураббийи бўлиши мумкинлиги ҳақидаги миш-мишлар ҳақида гапирди. Аввалроқ, каталонияликлар раҳбарияти Бельгия терма жамоасига Мартинес учун 1,8 миллион евро товон пули тўлашга тайёрлиги ҳақида хабар берилган эди.
«Сиз тушунганингиздек, аслида менда изоҳ берадиган ҳеч нарса йўқ. Шубҳасиз, ҳар доим миш-мишлар бўлган ва улар доимо бор. Бу футболда нормал ҳолат. Миш-мишларга кўра, агар сиз учта ўйинда мағлуб бўлсангиз, ишсиз қоласиз. Ишлар яхши кетаётганида, яхши натижаларга эришганингизда, миш-мишлар ҳам бўлмайди. Аммо ҳозирча менда изоҳ берадиган ҳеч нарса йўқ»,- дея Мартинес сўзларидан иқтибос келтиради Eurosport.fr.
