Ла Лига 6-туридан ўрин олган ўйинда «Барселона» 23 сентябрь, пайшанба куни «Кадис» билан баҳс юритди.

Кадисда ўтганда ўйинда жамоалар ҳар қанча уринмасин дарвозаларга тўп киритилмади. Учрашув 0:0 ҳисобидаги дуранг билан якунланди. 65-дақиқадан бошлаб каталонлар бир киши кам бўлиб қолди, Френки де Йонг иккита сариқ карточка ишлаб олгани туфайли майдондан четлатилди.

Қайд этиш ўринли, «Барселона» барча мусобақалар доирасида кетма-кет 3 ўйиндан бери ғалаба қозона олмаяпти. Ла Лига турнир жадвалида эса жамоа 9 очко билан 7-ўринни эгаллаб турибди. «Кадис» 6 очко билан 14-ўринда бормоқда.

Ла лига, 6-тур
23 сентябрь, пайшанба
«Кадис» – «Барселона» 0:0
«Кадис» – Ледесма, Карселен (Акапо, 79), Ароян, Виктор Чуст, Эспино, Хименес (Салви Санчес, 46), Фали Хименес (Ёнссон, 40), Аларкон, Арсамендия (Переа, 57), Собрино, Негредо (Лосано, 57).
«Барселона» – тер Штеген, Мингеса, Пике, Араухо, Дест (Пуч, 80), де Йонг, Бускетс, Гави (Нико Гонсалес, 73), Демир (Серхи Роберто, 46), де Йонг (Коутиньо, 68), Депай.
Огоҳлантиришлар: де Йонг (61), Серхи Роберто (65), Ароян (68), Акапо (88), Аларкон (90), Бускетс (90).
Четлатиш: Ф. де Йонг (65).