Ла Лиганинг 7 -туридан ўрин олган "Вильярреал" га қарши ўйиндан (0:0) сўнг, "Реал" президенти Флорентино Перес жамоа мухлислари саволига жавоб берди.
Ўйин якунлангандан сўнг, бир нечта мухлислар клуб раҳбарининг машинасига яқинлашди ва улардан бири Пересга юзланди: Президент, Мбаппе билан шартнома имзоланг !
"Келгуси йил" - деди клуб раҳбари.
Аввалроқ, "қаймоқранглилар" ёзда "ПСЖ" ҳужумчисини сотиб олиш бўйича музокаралар олиб боргани, аммо келишувга эришилмагани ҳақида хабар берилганди. Килианнинг шартномаси мавсум охирида якунига етади ва футболчи эркин агентга сифатида мадридликлар сафига қўшилиши мумкин.
