Европа чемпионлар лигаси гуруҳ босқичи 2-туридан ўрин олган дастлабки ўйинлар якунига етди.

"D" гуруҳида иштирок этаётган ҳамда 1-турда мағлуб бўлган «Шахтёр» ва «Интер» клублари Украинада тўқнаш келишди. Жамоалар 90 дақиқа ҳужумкор ўйин намойиш этишганига қарамай ўйинда ҳисоб очилмади.

Томонлар ўз имкониятларидан фойдалана олишмади. Хусусан, 18-дақиқада Барелланинг зарбасидан кейин тўп тўсинга тегиб қайтган бўлса, кейинчалик Лаутаро ва Димарко яхши имкониятларни кўкка совуришди.

Шунингдек, баҳс сўнгида Пятов икки марта «Шахтёр»ни голдан қутқарди.

ЕЧЛ, гуруҳ босқичи, 2-тур
Шахтёр Украина – Интер Италия 0:0 (0:0, 0:0)
Шахтёр – Пятов, Додо, Марлон, Матвиенко, Исмаили (Кривцов, 78), Педриньо, Соломон (Мудрик, 78), Степаненко, Алан Патрик (Марлос, 85), Майкон, Траоре (Тете, 11).
Интер – Ханданович, Думфрис, де Врей, Шкриньяр, Бастони, Димарко (Перишич, 81), Брозович (Чалханоглу, 55), Весино (Гальярдини, 81), Барелла, Жеко (Корреа, 55), Мартинес (Санчес, 72).
Огоҳлантириш: Думфрис (81).