"Ливерпул" бош мураббийи Кенни Далглиш Англия Лига Кубоги финалида "Кардифф Сити"га қарши бор имкониятларни ишга солган ҳолда ҳаракат қилмоқ лозим эканини ва ўйинга жиддий муносабатда бўлиш кераклигини таъкидлади.
«Англия Лига Кубоги финалигача етиб келдик. Энди кўрамиз, финалдаги вазияни қай даражада уддалай олар эканмиз. Бу ўйинда майдонга ҳудди ғалабани нақд қилиб қўйгандек тушмоқчи эмасмиз. Ўйин жуда қийин бўлади. Ғалаба "Кардифф" учун қанчалик муҳим бўлса, бизга ҳам шунчалик зарур".
"Модомики совринга эга чиқмоқчи эканмиз, ўйинда бор имкониятимизни ишга солиб ҳаракат қилишимиз керак бўлади. Ушбу финал — мавсум нисбатан омадлироқ саналиши учун яхши имконият. Олдинда Лига Кубоги финали, "Сток Сити"га қарши Англия кубоги чорак финал ўйини ва бир қатор бошқа мураккаб ўйинлар кутиб турибди", — дея Далглиш сўзларидан "Ливерпул" расмий сайти иқтибос келтирмоқда.
Эслатиб ўтамиз, финал учрашуви 26 феврал куни, Тошкент вақти билан 21:00да бошланади.
