«Реал Мадрид»нинг бразилиялик ярим ҳимоячиси Каземиро Мадрид жамоасининг ЕЧЛ гуруҳ босқичининг 2-тур учрашувида Молдованинг «Шериф» жамоасига сенсацион мағлубиятини изоҳлади. «Сантиаго Бернабеу»да ўтган ўйин 2:1 ҳисобида тирасполлик меҳмонлар фойдасига ҳал бўлди.
«Бу футбол. Бир жамоа яхши ўйнади ва дарвоза томон 20 тадан ортиқ зарба берди, бироқ иккинчиси ғалаба қозонди. Улар дарвозага иккита зарба беришди ва иккита гол уришди. Бу футболда содир бўлади. Ҳимояда кўпроқ эҳтиёт бўлиш керак. Биз яхши ўйнадик, лекин уларнинг дарвозабони кўплаб сейвларни амалга оширди.
Менимча, рақибни табриклаш керак. Биз тўлиқ устунлик қилдик ва кўпроқ гол уришимиз керак эди. Агар ўз вазиятларингиздан фойдаланмасангиз, охир-оқибат бунинг учун товон тўлайсиз »,- дея «Реал Мадрид» расмий сайти Каземиронинг сўзларини келтиради.
