«Реал» ҳужумчиси Карим Бензема Европа чемпионлар лигаси гуруҳ босқичининг 2-тури доирасида «Шериф»га қарши бўлиб ўтган ўйинда (1:2) пенальтидан гол урди.

"Қироллик клуби" учун мазкур 11 метрли жарима зарбаси ЕЧЛ тарихидаги 51-пенальти бўлди. «Реал» ушбу кўрсаткич бўйича иккинчи поғонани эгаллаб турибди. Рекорд эса «Барселона»га тегишли бўлиб, каталонияликлар рақиблари дарвозасига томон 53 марта пенальти зарбасини йўллашган.

Бундан ташқари, Чемпионлар лигасида «Бавария» (48), «Манчестер Юнайтед» (34), «Челси» (31), «Ювентус» (30), «Арсенал» (30), «Порту» (27), «Манчестер Сити» (24) ва «Ливерпуль» (20) фойдасига пенальти белгиланган.