Кеча Мадриднинг «Реал» клуби ўз майдонида Молдованинг «Шериф» жамоасига 1:2 ҳисобида имкониятни бой берди. Трансфермаркт портали малумотига кўра, Тираспол клуби Чемпионлар Лигасидаги таркиби энг паст бўлган жамоа ҳисобланади. Манбага кўра, жамоанинг барча футболчиларини қўшиб ҳисоблаганда, 12,38 млн еврога баҳоланмоқда, «Реал» сафидаги футболчиларининг нархи эса 793,5 миллион евро.
«Шериф»нинг энг қиммат футболчиси Франк Кастаньеда ҳисобланади. Колумбиялик трансфермаркт порталида 1 миллион еврога баҳоланган. Молдова клуби сафида ўйнайдиган легионер футболчимиз Жасурбек Яхшибоевнинг нархи эса 500 минг евро этиб белгиланган.
