Англия терма жамоасини вақтинча бошқариб турган мураббий Стюарт Пирс, "Арсенал" ярим ҳимоячиси Алекс Окслэд-Чемберленни терма жамоага чақирмай тўғри қарор қабул қилдим деб ҳисобламоқда.
"Мен уни асосий терма жамоага чақиришим мумкин эди. У 10 дақиқа ҳаракат қиларди-да, ўзини асосий терманинг муносиб аъзоси деб ҳисоблай бошлар ва ёшлар терма жамоаси таркибида ўйнашни истамай қоларди".
"Агар биз шундай йўл тутаверадиган бўлсак, у ҳолда ҳеч қачон ёшлар термаси билан бирор нима юта олмаймиз. Алекс ёшлар термасида жуда ҳам яхши ўйин кўрсатади. Балки у жамоанинг айни вақтдаги энг яхши футболчисидир".
"Ёшлар термаси таркибида саралаш босқичида 90 дақиқа давомида тўплаган тажрибаси, асосй терма билан ўртоқлик учрашувида 10 дақиқа давомида ўйнаб йиғган тажрибасидан кўра анча фойдалироқ бўлади", — дея унинг сўзларидан ESPN иқтибос келтирмоқда.
