Лондоннинг «Тоттенхэм» клуби «Ювентус» яримҳимоячиси Деян Кулусевскини сотиб олиш ниятида, дея хабар беради The Sun.

21 ёшли швед футболчисининг Массимилиано Аллегри қўл остида майдонга тушиш эҳтимоли камайиб кетди. Манбанинг хабарига кўра, Лондон клуби январь ойида Деян трансфери бўйича таклиф билан чиқиши мумкин.

Ушбу трансферга «шпорлар»нинг янги спорт директори Фабио Паратичи ёрдам бериб юбориши мумкин, у илгари «Юве»да худди шундай лавозимда ишлаган.

Аввалроқ, Кулусевскига «Барселона»дан қизиқиш борлиги ҳақида маълумот берилган эди.