«Барселона» яқин соатларда бош мураббий Роналд Куманни ишдан бўшатиш ниятида эмас, деб хабар беради Lequipe нашри.

Манбага кўра, 30 сентябрь, пайшанба куни «кўк-анорранглилар» раҳбариятининг йиғилиши режалаштирилган бўлиб, улар инқирозли вазиятда жамоа билан нималар қилиш ҳақида муҳокама қилишади. 

Эслатиб ўтамиз, Чемпионлар лигаси гуруҳ босқичининг 2 -тур учрашувида «Барселона» «Бенфика»га йирик ҳисобда ютқазиб қўйди (0:3). Биринчи турда каталонияликлар «Бавария»га ҳам шу ҳисобда мағлуб бўлишган эди. «Барселона» ўз гуруҳидаги турнир жадвалида охирги ўринда жойлашган.

Аввалроқ, Куман ўрнига «Барселона» бош мураббийи лавозимига номзодлар «Ал-Садд» мураббийи Хави ва Бельгия терма жамоасини бошқарадиган Роберто Мартинес эканлиги маълум бўлган.