«Манчестер Юнайтед» Чемпионлар лигасининг 2-турида «Вильярреал» устидан иродали ғалабага эришди (2:1), Криштиану Роналду 90+5-дақиқада урди.

Бу манкунианларнинг ушбу турнирдаги энг кеч киритган голи сифатида ЕЧЛ тарихидан жой олди. 

Португалиялик «Манчестер Юнайтед»нинг ҳозирги бош мураббийи Оле-Гуннар Сульшер рекордини янгилади, у 1999 йилги финалда «Бавария»га қарши ўйинда (2:1) 90+3-дақиқада гол урган эди.

Учинчи ўринда эса, яна - Роналду. 2007 йилда португалиялик «Спортинг»га қарши ўйинда 90+2 -дақиқада гуруҳ босқичи ўйинида ғалаба голини киритган эди (2:1).