Уч карра Ўзбекистон чемпиони, 3 карра Ўзбекистон кубоги ҳамда 2 карра Суперкубок соҳиби Тошкентнинг “Локомотив” жамоаси билан “Металлург” кучлилар сафида бугунга қадар ўзаро 35 та ўйин ўтказган. Улардан 6 тасида “Металлург”нинг қўли баланд келган. 11 та учрашувда дуранг натижа қайд этилган. 18 та баҳсда темирйўлчилар зафар қучган. Киритилган ва ўтказиб юборилган тўплар фарқи – 33:58, тошкентликлар фойдасига.

Бу йилги мавсумнинг биринчи даврасида “Металлург” сафарда “Локомотив”ни 3:1 ҳисобида мағлубиятга учратганди.

Қуйида мазкур жамоаларнинг Бекободда ўтказилган барча учрашувлари натижалари билан танишинг:

25.09.2020  “Металлург” – “Локомотив” – 2:2
12.05.2019  “Металлург” – “Локомотив” – 0:0
14.09.2018  “Металлург” – “Локомотив” – 0:1
26.05.2018  “Металлург” – “Локомотив” – 2:0
18.08.2017  “Металлург” – “Локомотив” – 1:2
25.06.2016  “Металлург” – “Локомотив” – 3:3
12.03.2015  “Металлург” – “Локомотив” – 0:0
05.08.2010  “Металлург” – “Локомотив” – 1:0
08.05.2009  “Металлург” – “Локомотив” – 1:1
13.09.2008  “Металлург” – “Локомотив” – 1:0
06.10.2007  “Металлург” – “Локомотив” – 0:2
01.08.2006  “Металлург” – “Локомотив” – 3:3
21.08.2005  “Металлург” – “Локомотив” – 1:0
03.05.2004  “Металлург” – “Локомотив” – 1:1

“Локомотив” ҳақида

Жорий мавсум арафасида “Локомотив”га хорижлик мутахассис олиб келинди ва натижа яхшиланаётганлигини мухлислар ва мутахассислар кўриб туришибди.

Темирйўлчилар кучлилар сафида бугунгача 470 та ўйин ўтказган бўлиб, шулардан 235 тасида ғалаба қозонган.  99 ўйинда дурангга имзо чеккан. 136 учрашувда эса имкониятни бой берган. “Локомотив” рақиблари дарвозасини 763 марта ишғол этган ҳолда, ўз дарвозаларидан 534 та тўп олиб чиққан. Жамоанинг миллий чемпионатларимиздаги энг йирик ҳисобдаги ғалабаси – 7:0 (2015 – “Сўғдиёна”, 2017 – “Обод”). Энг йирик мағлубияти – 0:7 (2020 – “Пахтакор”).