Uch karra O‘zbekiston chempioni, 3 karra O‘zbekiston kubogi hamda 2 karra Superkubok sohibi Toshkentning “Lokomotiv” jamoasi bilan “Metallurg” kuchlilar safida bugunga qadar o‘zaro 35 ta o‘yin o‘tkazgan. Ulardan 6 tasida “Metallurg”ning qo‘li baland kelgan. 11 ta uchrashuvda durang natija qayd etilgan. 18 ta bahsda temiryo‘lchilar zafar quchgan. Kiritilgan va o‘tkazib yuborilgan to‘plar farqi – 33:58, toshkentliklar foydasiga.

Bu yilgi mavsumning birinchi davrasida “Metallurg” safarda “Lokomotiv”ni 3:1 hisobida mag‘lubiyatga uchratgandi.

Quyida mazkur jamoalarning Bekobodda o‘tkazilgan barcha uchrashuvlari natijalari bilan tanishing:

25.09.2020  “Metallurg” – “Lokomotiv” – 2:2
12.05.2019  “Metallurg” – “Lokomotiv” – 0:0
14.09.2018  “Metallurg” – “Lokomotiv” – 0:1
26.05.2018  “Metallurg” – “Lokomotiv” – 2:0
18.08.2017  “Metallurg” – “Lokomotiv” – 1:2
25.06.2016  “Metallurg” – “Lokomotiv” – 3:3
12.03.2015  “Metallurg” – “Lokomotiv” – 0:0
05.08.2010  “Metallurg” – “Lokomotiv” – 1:0
08.05.2009  “Metallurg” – “Lokomotiv” – 1:1
13.09.2008  “Metallurg” – “Lokomotiv” – 1:0
06.10.2007  “Metallurg” – “Lokomotiv” – 0:2
01.08.2006  “Metallurg” – “Lokomotiv” – 3:3
21.08.2005  “Metallurg” – “Lokomotiv” – 1:0
03.05.2004  “Metallurg” – “Lokomotiv” – 1:1

“Lokomotiv” haqida

Joriy mavsum arafasida “Lokomotiv”ga xorijlik mutaxassis olib kelindi va natija yaxshilanayotganligini muxlislar va mutaxassislar ko‘rib turishibdi.

Temiryo‘lchilar kuchlilar safida bugungacha 470 ta o‘yin o‘tkazgan bo‘lib, shulardan 235 tasida g‘alaba qozongan.  99 o‘yinda durangga imzo chekkan. 136 uchrashuvda esa imkoniyatni boy bergan. “Lokomotiv” raqiblari darvozasini 763 marta ishg‘ol etgan holda, o‘z darvozalaridan 534 ta to‘p olib chiqqan. Jamoaning milliy chempionatlarimizdagi eng yirik hisobdagi g‘alabasi – 7:0 (2015 – “So‘g‘diyona”, 2017 – “Obod”). Eng yirik mag‘lubiyati – 0:7 (2020 – “Paxtakor”).