Жанфранко Дзола Римнинг «Лацио» клуби бош мураббийлига тайинланиши мумкинлиги хусусидаги хабарни Corriere dello Sport газетаси тарқатмоқда.
Нашр маълумотларига кўра, бугун Дзола клуб раҳбарияти билан учрашиши керак. Жамоанинг амалдаги бош мураббийи Эдуардо Рейя бир неча кун муқаддам истеъфо сўраб ариза ёзганига қарамасдан, жамоа билан ишлашда давом этмоқда. Чунки «Лацио» раҳбарияти истеъфони қабул қилишганича йўқ.
«Фиорентина»га қарши эртанги учрашувда «Лацио»ни ким бошқараши ҳануз аниқ эмас. Айни вақтда «Лацио» Италия чемпионатида тўртинчи ўринда бормоқда.
