Бошланажак мавсумга Туркиянинг Анталияда шаҳрида тайёргарлик кўрган Андижоннинг “Андижон” жамоаси бугун Белекдаги сўнгги ўртоқлик учрашувини ўтказди.

Бу сафар Александр Аверьянов шогирдлари Пермьнинг “Амкар” клуби ёшларига қарши ўртоқлик учрашувда майдонга чиқишди.

Ушбу ўртоқлик баҳсида Александр Николаевич қуйидаги таркибни синаб кўрди:

“Андижон”: Д. Мамаюсупов, А. Половков, И. Маматказин, А. Исаев, И. Ибрагимов, С. Тўрақулов, Р. Аъзамов, Б. Абдураҳимов, И. Аҳмедов, А. Жўрабоев, Д. Турсунов.

Заҳирадан майдонга тушганлар: А. Ходжаев, А. Нормуҳаммедов, А. Қаюмов.

Бу баҳсни Лочин Солиев, Лочин Долимов ва Константин Якубовскийлар жароҳат олишганликлари сабабли, ушбу баҳсни ўтказиб юборишди.

Учрашувда “Амкар” клубининг ёш футболчилари 3:1 ҳисобида ғалаба қозонишди. “Андижон” жамоасининг киритган ягона голига Акмал Жўрабоев муаллифлик қилди.

Шуни алоҳида таъкидлаб ўтиш жоизки, Рустам Аъзамов биринчи бўлимда қиизил карточка олиб майдонни тарк этди. Учрашувни бошкариб борган ҳакамлар унинг ўрнига янги футболчи тушишига рухсат бермадилар...

 Одилбек ТОЛИПОВ, Анталия, Туркия.