Мюнхенгладбахнинг "Боруссия" клуби ҳимоячиси Лука Нец "Манчестер Сити"га ўтиш таклифини рад қилганини айтди.
18 ёшли футболчининг айтишича, уч йил олдин Преьмер-лига клуби унга жамоага қўшилишни таклиф қилган, у эса бу трансфердан бош тортган.
"Менимча, бундай ёшда "Ман Сити"га ўтиш аҳмоқлик. Агар улар ҳозир бошқа таклиф беришса ҳам, мен рад этардим.
Менда аниқ режа бор ва Преьмер-лигага боришим учун ҳали эрта. Мен учун "Боруссия"да ўйнаш, тажриба тўплаш ва барқарор ривожланиш муҳим , - деди Нец.
Нец - Бундеслиганинг энг яхши ёш футболчиларидан бири. Футболчи январь ойида Германия чемпионатида дебют қилган эди.
