Донецкнинг «Шахтёр» клуби ҳужумчиси Лассина Траоре жароҳати туфайли камида 7 ойни ўтказиб юборади, деб хабар беради Pro Football.
Футболчи Чемпионлар лигаси гуруҳ босқичининг 2-туридан ўрин олган «Интер»га қарши учрашувда (0:0) оғир жароҳат олди ва аллақачон операция қилинган.
20 ёшли Траоре «Шахтёр»га 2021 йилнинг ёзида «Аякс»дан келиб қўшилган эди. Унинг трансфер суммаси 10 миллион еврони ташкил этди.
Бу мавсум у клуби сафида 14 та ўйинда майдонга тушиб, 9 та гол урди. Унинг жамоа билан шартномаси 2026 йилнинг ёзигача амал қилади.
