«Рома» бош мураббийи Жозе Моурино ёш футболчиларга ишониши, айнан шу йўлда Рим жамоаси таркибига тажрибали эмас, балки умидли футболчиларни жалб қилганлиги ҳақида гапмрди.

«Дарбо, Калафиори, Залевски каби футболчилар бизнинг таркибда ўйнаётганидан жуда хурсандман. Мен ҳар доим тажрибали футболчиларни ўз ичига оладиган бошқа жамоаларни кўраман, масалан, Жеко ва Видал кеча «Интер»да бирга ўйнади. Шунга қарамай, биз ёшларни вояга етказишимиз керак. Одамлар бизнинг йўлимизни тушунишлари керак. Мен тўртта ғалабадан кейин хотиржам эдим ва ҳатто «Лацио»га қарши дерби учрашувидаги мағлубиятдан кейин ҳам хотиржам эдим. Менга ёқадиган нарса шундаки, иккита мағлубиятдан кейин ҳам мухлислар бизни бир хил қўллаб-қувватлашди», - деди Моурино DAZN нашри мухбирларига.