"Манчестер Юнайтед" мураббийи Сульшернинг сўнгги ўйинлардаги қониқарсиз натижаларидан барчанинг хабари бор. "Daily Mail" нашри хабарига кўра, агар Сулшер жамоадан истеъфога чиқарилса, ўрнига "қизил иблислар" учун устозликка Гарет Саутгейт келтирилади.
Саутгейт 2022 йилги Жаҳон чемпионатидан кейин терма жамоа раҳбарлигидан кетиши мумкин. У клубларда ўзини синаб кўришни исташи айтилган. Бундай гап 2019 йилда, Моуринё даврида ҳам қайд қилинган. Шунингдек, потенциал номзодлар ичида "Реал"нинг собиқ устози Зидан ҳамда "Интер" ва "Челси" қадрдони Антонио Контелар ҳам бор.
"Mirror" хабарида "Атлетико" раҳнамоси Симьоне ҳам кўрсатилган. Унинг Мадриддаги амалдаги шартномаси 2022 ёзда тугайди.
