«Эвертон» спорт директори Даниэль Брандс Донни ван де Бекга қизиқишини тасдиқлади. Ёзда клублар музокара олиб боргани ҳам сир эмас. «Эвертон» январь ойида « қизил иблислар» футболчисини сотиб олишга яна бир бор уриб кўради.
«Ҳа, у бизнинг «шорт-лист»имиздан жой олган эди. Биз «МЮ»га таклиф жўнатдик, лекин буни амалга оширишни имкони бўлмади. Ёз охирида унинг агенти Гвидо Альберс менга қўнғироқ қилиб, Доннини ижарага таклиф қилди. Охирги пайтда клуб уни ҳам бекор қилди.
Январь ойида нима бўлиши ҳақида гапириш қийин, лекин биз ушбу харидни амалга оширишга ҳаракат қиламиз. Унда асосий таркиб билан боғлиқ муаммолар бўлиши мумкин. Биз вазиятга қарашимиз керак», - деди «Эвертон» директори NOS нашрига.
Эслатиб ўтамиз, футболчи жорий мавсум «МЮ» сафида барча турнирларда 141 дақиқа майдонда ўтказди.
