«Боруссия» ҳужумчиси Эрлинг Холанд Жаҳон чемпионати саралаш босқичи доирасидаги Туркия ва Черногорияга қарши ўйинларда Норвегияга ёрдам бера олмайди.
Бу ҳақда иқтидорли форвард ўзининг твиттердаги расмий саҳифасида эълон қилди.
«Салом дўстлар. Кечирасиз, терма жамоада ўйнашга тайёр эмасман. Агар майдонга тушсам жуда хурсанд бўлардим. Қандай бўлмасин, Норвегия терма жамоасига омад», - деб ёзади Холанд.
Эслатиб ўтамиз, Эрлинг Холанд мушаклари билан боғлиқ муаммоси туфайли сентябрь ойи охирида «Боруссия Дортмунд»нинг учта ўйинини ўтказиб юборган эди.
