"Барселона" бош мураббийи Хосеп Гвардиола "Атлетико" билан ўйин олдидан журналистлардан унинг келажаги ҳақидаги миш-мишларга чек қўйишларини илтимос қилди.
"Шунча гаплар етар. Янгилик бўлса ўзим сизларни хабардор қиламан.
Ҳозир биз пешқадамдан 10 очкога ортда қоляпмиз. Олдинда бизни ўта жиддий рақиб билан ўйин кутиб турибди. Шогирдларимнинг ўй-хаёллари фақат шу билан банд.
Ҳа, ушбу мавсумда бизнинг асосий рақибимиз жуда яхши ўйин кўрсатмоқда. Ўтган мавсумда сафар ўйинлардаги кўрсаткичларимиз жуда яхши бўлишига қарамасдан, бу йилги сафар ўйинларда кўп нарса йўқотдик.Лекин айтиб қўяй, бу мавсум "Барселона"да ўзгаришлар катта.
Биз 10 очкога ортда қоляпмиз, бизнинг қиладиган ишимиз - ғалаба қозонавериш ва чемпионат охирида нималар бўлишини кузатишдан иборат"